做牙貼前你一定想知嘅嘢
牙醫解答所有關於陶瓷牙貼嘅疑問，令你放心作出決定。
材質與效果
陶瓷牙貼係咪會磨牙？
陶瓷牙貼需要輕微磨薄牙齒表面（約 0.3–0.5mm），但屬微創程序。相比傳統牙冠去除量少好多，多數情況下可以保留大部分天然牙齒結構。磨牙係一次性動作，完成後貼上永久貼片保護。
陶瓷牙貼係咪睇得出做過？
如果選對材質同設計，一般唔俾人發現。ReConfi 會根據你嘅臉型、膚色、原有牙色設計最自然嘅效果。靈犀瓷（Celtra Duo）係目前最接近真牙光透度嘅材質，KOL 及追求零痕跡客人首選。
做完陶瓷牙貼牙齒顏色係咪永遠唔變？
陶瓷材質本身高抗染色，色澤穩定，唔會因飲咖啡、茶、紅酒而變黃。相比天然牙齒或樹脂，抗染性強得多，正確護理下顏色可維持多年。
陶瓷牙貼同樹脂牙貼有咩分別？
陶瓷牙貼使用高品質瓷料，耐用性強（15–20 年），色澤自然持久，不易染色，外觀更接近真牙光澤。樹脂牙貼成本較低但耐用性較差（3–5 年），容易染色，外觀稍遜。ReConfi 專注陶瓷牙貼，唔做樹脂。
費用與方案
香港陶瓷牙貼大概幾多錢一顆？
ReConfi Smile 陶瓷牙貼視乎材質及個案而定，每顆由 HKD 3,380 起。由於每位客人牙齒狀況、選用材質、顆數不同，唔設網上固定報價。WhatsApp 我哋，牙醫會根據你嘅情況提供個人化報價。
係咪需要一次過付清所有費用？
付款安排可視情況靈活調整，諮詢時可向牙醫了解詳情。我哋接受現金、信用卡及 FPS 付款。
做幾多顆比較好？
視乎你嘅目標而定。一般笑容設計會建議做 6–8 顆（上排前排可見牙齒），確保整排視覺統一。亦有客人只做 2–4 顆修補特定牙齒。第一次諮詢牙醫會根據你嘅情況提供建議。
治療流程
做陶瓷牙貼需要幾多次診療？
一般只需 2–3 次診療：第一次免費微笑分析諮詢，第二次取模及磨牙（配戴臨時貼片），第三次黏合固定最終成品。整個過程一般在 2–3 週內完成。
磨牙過程係咪痛？
磨牙過程會使用局部麻醉，確保過程舒適無痛。麻醉效力消退後可能有輕微敏感感覺，一般 1–2 日後消退。
貼片黏好後即日可以食嘢嗎？
黏合後可以正常飲食，建議初期避免過硬食物。完全固化後即可正常生活，完全唔影響日常。
護理與耐用性
陶瓷牙貼可以用幾耐？
配合正確護理，陶瓷牙貼一般可使用 15–20 年。避免咬硬物（骨頭、堅果殼、冰粒）、定期洗牙、使用軟毛牙刷，有助延長使用壽命。
有冇護理上特別需要注意嘅嘢？
日常刷牙用軟毛牙刷，使用非磨砂牙膏。定期每 6 個月洗牙及牙齒檢查。避免用牙齒開瓶、咬指甲等習慣。如有夜磨牙習慣建議配戴咬合板保護。
如果貼片損壞或脫落可以修補嗎？
大部分情況可以重新製作替換單顆貼片。建議定期覆診讓牙醫評估狀態，及早發現問題。ReConfi 提供售後跟進服務。